Conor Knighton ar CBS News

Gwelwyd adroddiad am Lwyau Caru Cymreig ar CBS yr wythnos hon, ac ers hynny ymddengys fod yr Ameicaniaid wedi ffoli ar ein traddodiad Cymreig hynafol.

• Gweler ein Casgliad o Lwyau Caru yma.

Cawsom sioc anferth nos Sul wrth agor ein mewnflwch (er nad ydym yn arfer gweithio ar y Sul) a gweld fod cannoedd o archebion yn dod i mewn o'r Unol Daleithiau o ganlyniad i eitem nodwedd a ddarlledwyd y bore hwnnw ar newyddion CBS.

Bu pawb yma'n gweithio'n ddygn o'n gynnar fore Llun hyd yr hwyr, gan alw ar deulu a ffrindiau i ddod i helpu gyda'r archebion. Daeth hyd yn oed Collins y gath i gynnig ei gymorth unigryw!

Ein polisi bob amser yw danfon parseli gyda'r Post Brenhinol o fewn dau ddiwrnod gwaith, ac mae'r archebion fel arfer yn cymryd 5 i 10 diwrnod gwaith i gyrraedd pen eu taith yn yr Unol Daleithiau (Diwrnod yng Nghymru a gweddill y DG). Danfonwyd y 200 archeb cyntaf yn syth o fewn oriau ar y dydd Llun ac mae'r holl archebion eraill wedi cael eu danfon neu yn y broses o gael eu dosbarthu.

Erbyn wythnos nesaf, bydd popeth nol i drefn yma a bydd yr archebion i gyd yn cael eu danfon o fewn dau ddiwrnod. Diolch o galon i'n cyfeillion yn America am yr hwb anferth a roddodd eu harchebion i gerfwyr llwyau caru yng Nghymru.

Darllen mwy: Y llwyau caru Cymraeg sy'n ennyn diddordeb yn America - bbc.co.uk

"Conor Knighton visits Llanddwyn Island off the coast of Wales, where if you want to woo someone, you don't give your sweetheart chocolates, flowers or jewelry; you give them a 'lovespoon.'"

• Darllen mwy: Tokens of love: The Welsh tradition of lovespoons - cbsnews.com